Dy qytetarë libanezë u vranë sot në një sulm ajror izraelit në shtëpinë e tyre pranë kufirit në Libanin jugor, ndërsa zjarr u shkëmbye mes ushtrisë izraelite dhe grupit Hezbollah, transmeton Anadolu.

Agjencia zyrtare Kombëtare libaneze e Lajmeve tha se dy civilë – një nënë dhe djali i saj – u vranë në një sulm ajror izraelit në fshatin jugor Houla.

Ajo gjithashtu vuri në dukje se janë raportuar bombardime të tjera izraelite, duke përfshirë një sulm ajror izraelit në qytezën Deir Mimas.

Sonte, Hezbollahu libanez dhe ushtria izraelite shkëmbyen zjarr pas rifillimit të sulmeve izraelite në Gaza pas një pauze shtatëditore në luftime.

Që nga 7 tetori, ushtria izraelite ka vrarë 22 civilë libanezë, duke përfshirë dy gazetarë, përveç 86 anëtarëve të grupit Hezbollah, sipas një rishikimi të të dhënave nga Anadolu.

Tensionet janë ndezur përgjatë kufirit midis Libanit dhe Izraelit mes shkëmbimeve të zjarrit midis forcave izraelite dhe Hezbollahut, në përleshjet më vdekjeprurëse që kur të dy palët zhvilluan një luftë në shkallë të gjerë në vitin 2006.

Tensionet kufitare vijnë në mes të një ofensive ushtarake izraelite në Rripin e Gazës pas një sulmi ndërkufitar nga Hamasi më 7 tetor.