10 të vdekur nga përplasja e helikopterit ushtarak në Kenia, përfshirë edhe shefin e ushtrisë
Sipas policisë, helikopteri ishte një nga tre helikopterët që u ngritën për herë të parë pas një ngjarje në shkollën e mesme të zonës Cheptulel
Nairobi
Një helikopter i Forcave të Mbrojtjes të Kenias (KDF) është rrëzuar në zonën Cheptulel të rajonit të Luginës Rift, duke vrarë të paktën dhjetë persona, përfshirë shefin e ushtrisë, gjeneralin Francis Ogolla, transmeton Anadolu.
Komandanti i rrethit Elgeyo-Marakwet, Peter Mulinge, për gazetarët konfirmoi përplasjen e helikopterit, duke njoftuar se të plagosurit janë transportuar në spitalet aty pranë.
Policia tha se ka nisur hetimi për aksidentin.
Sipas policisë, helikopteri ishte një nga tre helikopterët që u ngritën për herë të parë pas një ngjarje në shkollën e mesme të zonës Cheptulel.
Presidenti i Kenias, William Ruto, shpalli tre ditë zie kombëtare pas aksidentit të helikopterit ushtarak.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.