Kryeministri i Polonisë, Donald Tusk, ka vënë në pikëpyetje se kush përfiton përfundimisht teksa paqëndrueshmëria globale në Lindjen e Mesme dhe ndryshimet në politikat energjetike perëndimore po rrisin çmimet e naftës dhe po ringjallin debatet për sanksionet ndaj naftës ruse, transmeton Anadolu.

“Lufta në Lindjen e Mesme vazhdon dhe kaosi po përhapet. Çmimet e naftës po rriten. Washingtoni mund të heq sanksionet ndaj naftës ruse. Kush është fituesi i vërtetë këtu?”, shkroi Tusk në platformën amerikane të mediave sociale X.

Komentet e kryeministrit polak vijnë pasi sekretari i Thesarit të SHBA-së, Scott Bessent, sinjalizoi se Washingtoni po shqyrton mundësinë e heqjes së sanksioneve për më shumë naftë ruse për të ndihmuar në përballimin e një mungese të përkohshme të furnizimit të shkaktuar nga ndërprerjet në Ngushticën e Hormuzit, një pikë kyçe globale për energjinë, mes luftës SHBA-Izrael kundër Iranit dhe sulmeve hakmarrëse të Teheranit.

Deklaratat e sekretarit Bessent pasojnë një vendim të SHBA-së për të lëshuar një përjashtim të përkohshëm 30-ditor që u lejon rafinerive indiane të blejnë naftë ruse, në përpjekje për të ruajtur furnizimin global.