Zëvendëskryeministri i Kosovës Bislimi takon përfaqësuesin e Sllovenisë për Ballkanin Perëndimor Anzej Franges
Në takim u diskutua rreth zhvillimeve në vend dhe situatës në rajon
Burimi: Zyra e Kryeministrit
Prishtinë
Zëvendëskryeministri i parë në detyrë për Integrim Evropian, Zhvillim dhe Dialog i Kosovës, Besnik Bislimi, ka pritur në takim përfaqësuesin e posaçëm të Sllovenisë për Ballkanin Perëndimor, Anzej Franges, transmeton Anadolu.
Zyra e Kryeministrit njoftoi se në takim u diskutua rreth zhvillimeve në vend dhe situatës në rajon.
Zëvendëskryeministri Bislimi theksoi se mbetet me rëndësi formimi sa më parë i qeverisë së re pas zgjedhjeve të jashtëzakonshme të 28 dhjetorit, dhe votimi në Kuvend mes tjerash edhe i marrëveshjeve ndërkombëtare dhe Planit të Rritjes me Bashkimin Evropian (BE).
Bislimi falënderoi përfaqësuesin e posaçëm të Sllovenisë për Ballkanin Perëndimor, Anzej Franges, për bisedën dhe takimin duke i uruar qëndrim të frytshëm në Kosovë.
Franges në këtë takim shoqërohej nga ambasadori i Sllovenisë në Kosovë, Borut Blaj.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
