Zgjedhjet lokale në Maqedoninë e Veriut, 30,26 për qind dalja në votime deri në orën 15:00
Sipas Komisionit Shtetëror të Zgjedhjeve (KSHZ), të drejtë vote në këtë raund kanë 1.013.375 qytetarë.
Foto: Umeys Sulejman/AA
Shkup
Në Maqedoninë e Veriut po vazhdon procesi i votimit në raundin e dytë të zgjedhjeve lokale, ndërsa deri në orën 15:00, dalja në votime ka arritur në 30,26 për qind, njoftoi Komisioni Shtetëror i Zgjedhjeve (KSHZ), transmeton Anadolu.
Në një konferencë për media, KSHZ-ja tha se llogaritja është bërë sipas të dhënave të përpunuara nga 93,59 për qind e vendvotimeve që kanë arritur deri te ky institucion.
Sipas KSHZ-së, të drejtë vote në këtë raund kanë 1.013.375 qytetarë.
Në raundin e dytë të zgjedhjeve qytetarët po përzgjedhin kryetarët e 32 komunave dhe të Qytetit të Shkupit.
Raundi i parë, i zhvilluar më 19 tetor, rezultoi me zgjedhjen e 44 kryetarëve të komunave dhe këshillave komunalë.
Votimi, i cili filloi në orën 07:00, do të mbyllet në orën 19:00.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
, të drejtë vote në këtë raund kanë 1.013.375 qytetarë.){kind=link}