Presidenti serb Aleksandar Vuçiq tha se vendi i tij dëshiron të jetë vendi i takimit midis presidentit të zgjedhur të SHBA-së Donald Trump dhe presidentit rus Vladimir Putin, transmeton Anadolu.

Në një deklaratë për një kanal televiziv, Vuçiq rikujtoi se Trump ka njoftuar se po punonohet për organizimin e një takimi me Putinin, duke shtuar: “Trump mori mbështetjen më të madhe në Evropë nga Serbia gjatë periudhës zgjedhore. Putin është gjithashtu shumë i popullarizuar në Serbi”, tha ai.

Vuçiq, i cili deklaroi se do të takohet me administratën Trump, tha: “Serbia është e gatshme të jetë mikpritëse e takimit midis Trumpit dhe Putinit. Ne jemi plotësisht të përgatitur dhe garantojmë sigurinë e dy liderëve”.