Ura e Gurit, një trashëgimi osmane që lidh dy brigjet e lumit Vardar, i cili kalon në mes të Shkupit në kryeqytetin e Maqedonisë së Veriut, lidh qendrën moderne të qytetit me Çarshinë e Vjetër, u filmua me metodën "timelapse" nga Anadolu.

Ura historike e Gurit, një nga veprat simbolike të periudhës osmane në Shkup dhe mbi të cilën kalojnë mijëra njerëz çdo ditë, u incizua duke përdorur metodën "timelapse".

Ura 220 metra e gjatë dhe 6 metra e gjerë u ndërtua midis viteve 1451-1469 gjatë sundimit të Fatih Sultan Mehmedit ndërsa u dëmtua në shumë tërmete dhe luftëra.

Duke iu nënshtruar shumë restaurimeve dhe duke u riparuar për herë të fundit në vitin 2002, Ura e Gurit është ndër strukturat më të vizituara nga turistët vendas dhe të huaj në qytet.