Në kuadër të Ditës Ndërkombëtare të Fëmijëve, Instituti "Yunus Emre"-Tiranë, ka organizuar shfaqjen e filmit të animuar “Aslan Hürkuş: Misioni Gökbey”, raporton Anadolu.

Filmi i animuar turk është shfaqur në Kinema Millennium në Tiranë me pjesëmarrjen dhjetëra fëmijëve.

Në hapje të aktivitetit mbajti një fjalë përshëndetëse drejtori i Institutit "Yunus Emre" për Shqipërinë, Oğuzhan Sakoğlu, i cili iu uroj fëmijëve festën e 1 Qershorit.

Sakoğlu u vuri theksin edhe tek kurset që organizon instituti, me fokus mbështetjen ndaj fëmijëve.

Shfaqja e filmit për fëmijë u organizua sot edhe në qytetin e Shkodrës, nën kujdesin e Institut “Yunus Emre”-Shkodër.

Më rastin e 1 Qershor, Ditës Ndërkombëtare të Fëmijëve, në Tiranë dhe në qytete të tjera të Shqipërisë janë organizuar aktivitete të ndryshme.