Në Shqipëri ka filluar Festivali Letrar Ndërkombëtar për të Rinj “Tirana Gate 2025”, ku marrin pjesë shkrimtarë dhe autorë të ndryshëm nga disa vende, raporton Anadolu.

Në ditën e parë të edicionit të 11-të të festivalit u mbajt në ambientet e në Liceut Artistik "Jordan Misja" në Tiranë paneli me temë “Qytetet në lëvizje: Duke shkruar për Mesdheun urban”, ku mori pjesë edhe shkrimtari turk Necip Tosun, së bashkë me shkrimtarë nga vende të tjera.

Shkrimtari turk Tosun, i cili është pjesë e festivalit me mbështetjen e Institutit “Yunus Emre”-Tiranë, në fjalën e tij në panel u shpreh se Turqia apo edhe shtete të tjera të Ballkanit dhe me gjerë e kanë përvetësuar pjesën e Mesdheut.

"Nga trojet, vendi ku unë vij e kemi përvetësuar qasjen e Mesdheut. Gjithashtu e kemi avancuar dhe përvetësuar në mënyrën më të mirë", tha Tosun.

Ai u shpreh ndër të tjera se që nga periudha osmane ka filluar përvetësimi për Mesdheun, sipas tij duke e marrë Mesdheun si një shkencë në vetvete dhe duke e çuar deri në jetën e njerëzve dhe veprimtarinë e tyre edhe në letërsi.

"Duke filluar nga tema për Mesdheun, mund ta lidh drejtpërdrejt me emigrimin. Është një temë që shtetet tona ose edhe vendi nga unë vij Turqia e lidh drejtpërdrejt me emigrimin. Mesdheu, emigrimi dhe njerëzit e tjerë janë të përfshirë tek kjo temë", tha Tosun.

Gjatë festivalit do të zhvillohen lexime letrare nga veprat e autorëve pjesëmarrës në gjuhët e tyre.

Festivali i cili organizohet në datat 8-10 tetor ka mbledhur së bashku figura të njohura të letërsisë nga Shqipëria, Turqia, Kosova, Italia, Greqia, Suedia, Serbia dhe Mali i Zi, të cilët do të marrin pjesë edhe në diskutime në panele.