Ndihma humanitare u shpërndanë nga ajri në Rripin e Gazës sot, ndërsa sulmet ajrore dhe bllokada izraelite vazhdojnë, transmeton Anadolu.

Parashutat me furnizime jetike u panë duke zbritur në veri të Gazës, ku civilët përballen me mungesë të thellë të ushqimit, ujit dhe ilaçeve.

Javën e kaluar, Programi Botëror i Ushqimit paralajmëroi se një e treta e popullsisë së Gazës kishte kaluar disa ditë pa ngrënë për shkak të bllokadës së vazhdueshme izraelite.

Duke refuzuar thirrjet ndërkombëtare për armëpushim, ushtria izraelite ka kryer një ofensivë brutale në Gaza që nga 7 tetori 2023, duke vrarë pothuajse 60.000 palestinezë, shumica gra dhe fëmijë. Bombardimet e pandërprera kanë shkatërruar enklavën dhe kanë shkaktuar mungesë të thellë ushqimi.

Në nëntor të vitit të kaluar, Gjykata Ndërkombëtare Penale lëshoi urdhra arresti për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.

Izraeli gjithashtu përballet me një padi për gjenocid në Gjykatën Ndërkombëtare të Drejtësisë për luftën e tij ndaj enklavës palestineze.