Presidenti i Shqipërisë, Bajram Begaj ka pritur në takim zëvendëspresidentin e Turqisë, Cevdet Yilmaz, raporton Anadolu.

Takimi është zhvilluar në selinë e Presidencës së Shqipërisë.

Në një postim në rrjetet sociale, Begaj bëri të ditur se ka pritur zv.presidentin turk Yilmaz.

"Marrëdhëniet tona të shkëlqyera dhe miqësore na nxisin të thellojmë bashkëpunimin në ekonomi, tregti, infrastrukturë, bujqësi, turizëm, siguri, mbrojtje dhe energji të rinovueshme", shkroi ai duke shtuar:

"Shqipëria e vlerëson Turqinë dhe presidentin Recep Tayyip Erdogan si një partner dhe aleat kyç, të përkushtuar nëpërmjet dialogut për paqen dhe stabilitetin në Ballkanin Perëndimor dhe më gjerë".