Presidenti Begaj përshëndet njohjen e pavarësisë së Kosovës nga Siria
“Me këtë vendim, Siria mbështeti shtetin e Kosovës dhe paqen e stabilitetin në Ballkan”, është shprehur Presidenti i Shqipërisë.
Shkup
SHKUP (AA) – Presidenti i Shqipërisë, Bajram Begaj, ka përshëndetur vendimin e Republikës Arabe të Sirisë për të njohur zyrtarisht pavarësinë dhe sovranitetin e Republikës së Kosovës.
Në një postim në rrjetin social amerikan X, Begaj shkroi: “Republika Arabe e Sirisë njohu sot zyrtarisht pavarësinë dhe sovranitetin e Republikës së Kosovës. Me këtë vendim, Siria mbështeti shtetin e Kosovës dhe paqen e stabilitetin në Ballkan. Faleminderit të gjithë atyre që e mundësuan këtë njohje!”
Njohja vjen pas një takimi trepalësh të zhvilluar në Riad mes Presidentes së Kosovës, Vjosa Osmani, Presidentit të Sirisë, Ahmed al-Sharaa, dhe Princit të Kurorës të Arabisë Saudite, Muhammed bin Salman.
Me njohjen e Sirisë, tani Kosova njihet nga 120 shtete të botës.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
