Presidenti i Maqedonisë së Veriut, Stevo Pendarovski, ka uruar agjencinë turke të lajmeve Anadolu Agency (AA) me rastin e 100-vjetorit të themelimit.

Duke uruar jubileun 100-vjeçar të AA-së në një mesazh urimi, presidenti Pendarovski vlerësoi faktin që ndër 13 gjuhë të botës AA transmeton edhe "një program në gjuhën maqedonase".

"Me ekzistencën e saj të gjatë, si dhe me reformimin përmes zhvillimit teknologjik, shoqëror dhe ekonomik në nivel global, agjencia turke e lajmeve 'Anadolu Agency (AA)' është një kronist i rëndësishëm i shumë ngjarjeve që kanë ndodhur dhe po ndodhin në Turqi, në rajonin tonë, por edhe në të gjithë botën", theksohet në urimin e presidentit Pendarovski, i cili uroi punë të suksesshme për agjencinë.