Në Shqipëri opozita vazhdon protestën antiqeveritare "Foltore", ndërkohë sot është mbajtur protesta e radhës, raporton Anadolu.

Protesta është organizuar para selisë së Kryeministrisë së Shqipërisë me mbështetjen edhe të partive të tjera opozitare, me kërkesën për dorëheqja e kryeministrit Edi Rama.

Gjatë fjalës në protestë, kryetari i Partisë Demokratike, Sali Berisha, i quajti protestuesit "misionarë të pamposhtur të shpëtimit të Shqipërisë".

Duke iu referuar protestës antiqeveritare të mbajtur më 20 shkurt që u shoqërua edhe me tensione, Berisha tha se ishte "dita e triumfit të idealeve demokratike".

Gjithashtu Berisha bëri thirrje për pjesëmarrjen të qytetarëve në protestën antiqeveritare të paralajmëruar nga opozita për më 28 shkurt.

Partitë opozitare gjithashtu kërkojnë edhe dorëheqja e zëvendëskryeministres dhe ministres së Infrastrukturës dhe Energjisë, Belinda Balluku, e cila është marrë e pandehur për veprën penale "shkelje e barazisë së pjesëmarrësve në tenderë apo ankande publike".

Sipas opozitës, Balluku duhet "t'i dorëzohet drejtësisë", pasi Gjykata Kushtetuese la në fuqi masën e pezullimit ndaj saj.

Në muajt e fundit, në Shqipëri janë organizuar protesta antiqeveritare, ku disa prej tyre janë shoqëruar me tensione.

Ndërkohë, partitë opozitare në Shqipëri kanë paralajmëruar vijimin e protestave antiqeveritare.