Ministri i Punëve të Jashtme i Maqedonisë së Veriut, Timço Mucunsku, ka përshëndetur vendimin e SHBA-së për uljen e tarifave për produktet maqedonase, si dhe ka paralajmëruar finalizimin e një marrëveshjeje që do të heq “barrierave tregtare të mbetura”, transmeton Anadolu.

Siç njofton Ministria e Punëve të Jashtme, Mucunski tha se ky hap përfaqëson një nxitje të rëndësishme për thellimin e bashkëpunimit ekonomik midis dy vendeve dhe një sinjal të qartë për ndërtimin e një partneriteti tregtar më ambicioz.

Ai gjithashtu theksoi se megjithëse negociatat për një marrëveshje gjithëpërfshirëse për liberalizimin e tarifave ende janë në vazhdim, ky vendim është provë konkrete e angazhimit të përbashkët për të hapur mundësi të reja për eksportuesit e vendit, kompanitë dhe ekonominë në tërësi.

“Ne mbetemi plotësisht të përkushtuar për të finalizuar një marrëveshje që do të heq barrierat tregtare të mbetura dhe do të krijojë përfitime afatgjata për të dy ekonomitë. Jam i bindur se kjo hedh themelet për një kapitull të ri në marrëdhëniet ekonomike maqedonase-amerikane”, tha Mucunski.

Që nga fundi i muajit korrik, SHBA-ja uli normën e tarifave për mallrat maqedonase nga 33 për qind në 15 për qind.

Fillimisht, mallrat e importuara në SHBA nga Maqedonia e Veriut iu nënshtruan një tarife prej 33 për qind, dukshëm më e lartë se norma prej 20 për qind e BE-së, si pjesë e politikës globale gjithëpërfshirëse tarifore “reciproke” e presidentit amerikan, Donald Trump.