Ministri serb i Investimeve Publike, Darko Glishiq, pësoi sulm në tru gjatë një transmetimi të drejtpërdrejtë në një program televiziv mëngjesin e sotëm, transmeton Anadolu.

Në lajmet në mediat kombëtare thuhet se ministri Glishiq po merrte pjesë në një program mëngjesi në një stacion televiziv në Beograd.

Ministri Glishiq po merrte pjesë në një program mëngjesi në një stacion televiziv në Beograd.

Thuhet se transmetimi i drejtpërdrejtë u ndërpre pasi gjendja e ministrit Glishiq u përkeqësua dhe më pas ai u dërgua në spital.
🔗 https://t.co/2j3r6EDc6u pic.twitter.com/ACpE4eriQF

— Anadolu Shqip (@aa_albanian) August 5, 2025

Thuhet se transmetimi i drejtpërdrejtë u ndërpre pasi gjendja e ministrit Glishiq u përkeqësua dhe më pas ai u dërgua në spital.

Ministri serb i Shëndetësisë, Zllatibor Lonçar në një deklaratë lidhur me gjendjen e Glishiq tha: "Glishiq, gjendja e të cilit u përkeqësua gjatë programit televiziv, u soll në spital pa ndjenja. Ai ka pësuar sulm në tru dhe është në gjendje kritike".

Presidenti serb Aleksandar Vuçiq përmes një postimi nga llogaria e tij në median sociale shkroi: "Darko, qëndro i fortë. Nuk ka dorëzim".

Darko Glishiq ka lindur më 28 maj 1973 dhe ushtron detyrën si ministër i Investimeve Publike në qeverinë e Serbisë që nga maji i vitit 2024.