Mbështetje nga TIKA për fermerët në Maqedoninë e Veriut

Agjencia Turke për Bashkëpunim dhe Koordinim (TIKA) ka organizuar një ceremoni për dorëzimin e projekteve të mbështetjes së serrave dhe pajisjeve bujqësore në Gostivar, raporton Anadolu.

Në ceremoninë e dorëzimit të pajisjeve, të organizuar në fushën sportive në fshatin Banicë të Epërme në Gostivar, morën pjesë koordinatori i TIKA-s në Shkup, Mehmet Bayrak, kryetari i Lidhjes së Organizatave Joqeveritare Turke të Maqedonisë (MATUSITEB), Tahsin Ibrahim, si dhe fermerët që do të përfitojnë nga projekti.

Mbështetje nga TIKA për fermerët në Maqedoninë e Veriut https://t.co/oE9hqvNoNS pic.twitter.com/WEWCIvBE2G

— Anadolu Shqip (@aa_albanian) March 16, 2024

Në deklaratën e tij për gazetarët, Bayrak tha se TIKA ka zhvilluar projektet dhe aktivitetet e saj në Maqedoninë e Veriut që nga viti 2005 në fusha të tilla si arsimi, shëndetësia, bashkëpunimi kulturor, forcimi i infrastrukturës civile dhe administrative, si dhe zhvillimi i bujqësisë dhe blegtorisë.

Ai tha se ata përpiqen të ofrojnë mbështetje çdo vit në kuadër të projekteve të mbështetjes së Prodhimit të Qëndrueshëm Bujqësor që ata filluan në vitin 2007, veçanërisht në kuadër të mbështetjes së familjeve fermerë që jetojnë në zonat rurale dhe që merren me aktivitete bujqësore.

Bayrak theksoi se si TIKA ka siguruar serra për rreth 1 mijë familje fermerë deri më tani dhe rreth 600 familjeve u kanë ofruar fidane të ndryshme të luleshtrydheve, arrave, kumbullave, shegëve e të tjerë.

"Si TIKA, ne veprojmë me një qasje që fokusohet te njeriu gjatë zbatimit të projekteve dhe aktiviteteve tona dhe përpiqemi të krijojmë një ndikim pozitiv në jetën e qytetarëve të Republikës së Maqedonisë së Veriut. Dy projektet tona që kemi dorëzuar sot, projekti i mbështetjes së serrave dhe pajisjeve bujqësore, janë ndër shembujt më të mirë në këtë kuptim", tha Bayrak.

Duke njoftuar se në kuadër të projektit u kanë dorëzuar 100 familjeve fermerë nga 11 rajone të ndryshme, pajisje serrë me sistem ujitje pika-pika prej 125 metrash katrorë, Bayrak tha se kanë siguruar edhe farat e domates dhe piperit të nevojshëm për prodhim në këto serra.

"Kemi dorëzuar motokultivatorë për kultivimin e tokës që mund të përdoren së bashku nga 200 familje. 20 makina bujqësore spërkatëse të plehrave dhe gjashtë makina për mbjelljen e qepëve dhe patateve. Me mbështetjen e dhënë, familjet tona fermerë do të kenë mundësi të prodhojnë gjatë gjithë vitit, pavarësisht kushteve sezonale", shpjegoi Bayrak rreth projektit të sotëm.

Bayrak tha se synojnë të rrisin të ardhurat ekonomike të familjeve fermerë me mbështetjen e dhënë, duke kontribuar kështu në zhvillimin rural.

Suad Mungan, një fermere që mori mbështetje, shpjegoi se kanë filluan të merren me bujqësi në qytetin Demir Kapia.

"Dëshirojmë të falënderojmë TIKA-n dhe Türkiyen që na kanë ndihmuar në këtë proces", tha ajo.