Kryeministri i Kosovës, Albin Kurti ka pritur me një ceremoni zyrtare në Prishtinë kryeministrin e Shqipërisë, Edi Rama, i cili qëndron për vizitë në vend, raporton Anadolu.

Ceremonia e pritjes, e organizuar në godinën e qeverisë në Prishtinë, u zhvillua me nderime shtetërore.

Kryeministri Rama po qëndron për vizitë zyrtare në Kosovë, ndërsa më herët gjatë ditës është pritur në takim edhe nga presidentja Vjosa Osmani.

Gjatë kësaj vizite, siç është paralajmëruar, po diskutohen çështjet e bashkëpunimit midis dy vendeve dhe zhvillime të tjera me interes të përbashkët.