Kos-Hoxha: Shqipëria ndër vendet kryesore të procesit të pranimit në BE
“Me ministrin e jashtëm Ferit Hoxha theksova nevojën për zbatimin e besueshëm të kritereve të përkohshme për Shqipërinë, për të ruajtur momentumin në negociatat e anëtarësimit”, tha Kos
Burimi: Marta Kos/X
Tiranë
Komisarja e BE-së për Zgjerimin, Marta Kos, pas takimit me ministrin për Evropën dhe Punët e Jashtme të Shqipërisë, Ferit Hoxha, ka theksuar se Shqipëria aktualisht është një nga vendet kryesuese në procesin e anëtarësimit në Bashkimin Evropian, duke theksuar se kjo shoqërohet me pritshmëri të larta.
Në një postim në rrjetin social X pas takimit, Kos tha se po përparojnë diskutimet për kriteret e përkohshme në fushën e sundimit të ligjit.
“Me ministrin e jashtëm Ferit Hoxha theksova nevojën për zbatimin e besueshëm të kritereve të përkohshme për Shqipërinë, për të ruajtur momentumin në negociatat e anëtarësimit”, shkroi Kos.
Ajo shtoi se ky është një hap i rëndësishëm për arritjen e standardeve të BE-së në fushën e sundimit të ligjit, luftës kundër korrupsionit dhe standardeve demokratike.
Kos theksoi gjithashtu se përparimi në këto fusha është thelbësor për vazhdimin e negociatave të anëtarësimit të Shqipërisë në BE.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
