"KE qëndron mbrapa rekomandimit të hapjes së bisedimeve pranverën e ardhshme"
Varhelyi: "Komisioni i BE-së qëndron mbrapa rekomandimit të hapjes së bisedimeve për anëtarësim me Shqipërinë dhe Maqedoninë e Veriut pranverën e ardhshme"
Shkup
Komisioneri i ri për Fqinjësi dhe Zgjerim i Bashkimit Evropian (BE), Oliver Varhelyi, njoftoi se Komisioni i BE-së qëndron mbrapa rekomandimit të hapjes së bisedimeve për anëtarësim me Shqipërinë dhe Maqedoninë e Veriut pranverën e ardhshme, transmeton Anadolu Agency (AA).
Varhelyi, në postimin e tij nga Twitteri njoftoi se ka zhvilluar një takim me ministrin në detyrë për Evropën dhe Punët e Jashtme të Shqipërisë, Gent Cakaj si dhe me ministrin e Jashtëm të Maqedonisë së Veriut, Nikolla Dimitrov.
Ai këto takime i cilësoi si konstruktive. "Komisioni i BE-së qëndron mbrapa rekomandimit të hapjes së bisedimeve për anëtarësim me Shqipërinë dhe Maqedoninë e Veriut pranverën e ardhshme", shkroi ai.
Kujtojmë se në samitin e liderëve të vendeve anëtare të BE-së në muajin tetor, nuk u arrit konsensus për hapjen e negociatave të pranimit për Shqipërinë dhe Maqedoninë e Veriut.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.