Kalaja e Sokolacit e vendosur në shpatin lindor të kodrës Debeljaca, mbi luginën e Bihaçit dhe lumin Una në Bosnjë e Hercegovinë, tërheq vëmendjen me arkitekturën e saj mbresëlënëse mesjetare dhe historinë e saj të thellë, raporton Anadolu.

Kështjella u ndërtua për herë të parë në vitin 1395. Kjo kështjellë, e cila mbart tiparet dalluese të arkitekturës së vonë mesjetare me oborrin e saj të madh të brendshëm, kullën dominuese dhe portën e saj ka qenë skenë e luftërave dinastike gjatë gjithë historisë.

Ajo priti sundimtarë të rëndësishëm si Mbreti Sigismund i Luksemburgut dhe fisnikët frankopanë.

Kalaja, e cila u përdor si bazë ushtarake gjatë periudhës osmane, me kalimin e kohës u braktis në fatin e saj. Megjithatë, ajo u restaurua dhe u hap për turizëm në vitin 1899 nën udhëheqjen e shefit rajonal von Berks.

Sot, Kalaja e Sokolacit, e ndërthurur me legjenda dhe këngë popullore, vazhdon të tërheqë vëmendjen e dashamirësve të historisë dhe vizitorëve si një simbol i krenarisë dhe trashëgimisë kulturore të rajonit të Krajinës.