Ish-ministri për Evropën dhe Punët e Jashtme dhe kryetari i Komisionit për Evropën dhe Punët e Jashtme në Kuvendin e Shqipërisë, Igli Hasani, ka deklaruar se e ardhmja e Shqipërisë është në familjen evropiane, transmeton Anadolu.

Në rrjetet sociale, Hasani ka shkruar se ka marrë pjesë dhe folur në aktivitetin e mbajtur në Londër mbi sigurinë dhe të ardhmen e rajonit, përpara Samitit të Procesit të Berlinit.

"Mesazhi im ishte i qartë: E ardhmja e Shqipërisë është në familjen evropiane, në mënyrë të vendosur dhe të qartë, pa 'nëse' dhe 'por'", është shprehur Hasani.

Ndërkohë, sot mbahet në Londër Samiti i Procesit të Berlinit, ku marrin pjesë liderët nga vendet e rajonit dhe zyrtarë të tjerë.