PRISHTINË (AA) - Një kafshë rrallë e parë nga syri i qytetarëve të Ballkanit është kapur nga syri dhe kamerat e telefonit afër kryeqytetit kosovar Prishtinë, për të tërhequr më pas vëmendjen e shumë qytetarëve, transmeton Anadolu.

Kafsha, e cila nuk jeton në Ballkan, u pa duke dalë në asfalt, në një nga rrugët e fshatit Prapashticë.

Kafsha që zakonisht gjendet në zona më të largëta të Evropës, ngjalli shumë reagime dhe pikëpyetje për fatin e saj.

Njohës së “botës së egër” në Kosovë, sikurse fotografi Arian Mavriqi, tha se kafsha nuk është se ka lindur dhe është rritur në trevat e Kosovës, por atë e solli një person nga vise të largëta, vetëm për shkak të pasionit për këtë specie.

Ndryshe, bizoni, i njohur si një prej kafshëve më të mëdha të egra në Evropë, ka qenë i zhdukur në shumë pjesë të kontinentit, por në vitet e fundit ka pasur përpjekje për shumimin e tij në natyrë.