Begaj takon zv.kryeministrin e Moldavisë: Riafirmuam integrimin evropian si një objektiv strategjik
Presidenti i Republikës, Bajram Begaj, ka theksuar se me zëvendëskryeministrin e Moldavisë, Mihai Popsoi, riafirmuam integrimin evropian si një objektiv strategjik të përbashkët
Burimi: Presidenca e Shqipërisë
Tiranë
Presidenti i Shqipërisë, Bajram Begaj, gjatë vizitës në Moldavi është takuar me zëvendëskryeministrin Mihai Popsoi, transmeton Anadolu.
Në rrjetet sociale, Begaj ka shkruar se me zëvendëskryeministrin e Moldavisë, Popsoi, riafirmuam integrimin evropian si një objektiv strategjik të përbashkët.
"Shpreha gatishmërinë e Shqipërisë për të ndarë përvojën tonë në ndihmën për përshpejtimin e procesit për partnerin tonë mik, Moldavinë, dhe diskutuam mënyra konkrete për të forcuar dhe thelluar më tej bashkëpunimin dypalësh", ka theksuar Begaj.
Presidenti Begaj realizoi një vizitë zyrtare në Moldavi, me ftesë të homologes së tij, Maia Sandu.
Sipas Presidencës së Shqipërisë, vizita e Begajt synonte forcimin e bashkëpunimit dypalësh dhe shkëmbimin e përvojave në procesin e integrimit evropian të të dyja shteteve.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
