Teheran
Grupi i parë i vaksinave "Sputnik V" kundër koronavirusit (COVID-19), i përbërë nga 500 mijë doza, të cilat Irani i ka blerë nga Rusia, arriti në kryeqytetin Teheran, transmeton Anadolu Agency (AA).
Sipas agjencisë zyrtare iraniane IRNA, aeroplani i transportuesit Mahan Airlines, që mbante vaksinat, u ul në aeroportin "Imam Khomeini".
Duke folur për mediat iraniane, ambasadori iranian në Moskë, Kazem Jalali, deklaroi se grupi i dytë i vaksinave do të arrijë në vend deri më 21 shkurt, kurse i treti deri më 1 mars.
Jalali tha se dërgesat do të vazhdojnë një herë në javë më pas.
Gjatë vizitës së tij në Moskë më 26 janar, ministri i Jashtëm Mohammad Javad Zarif njoftoi se vaksina “Sputnik V” e zhvilluar nga Instituti Kombëtar rus i Epidemiologjisë dhe Mikrobiologjisë Gamaleya është miratuar në Iran.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
![](http://www.facebook.com/sharer.php?u=http://v.aa.com.tr/2134059&p[images][0]=https://cdnuploads.aa.com.tr/uploads/Contents/2021/02/04/thumbs_b_c_5449ca17c7772b860da5f06a538d2039.jpg?v=175116&p[title]=Iran, 500 mijë doza të vaksinës ruse "Sputnik V" arrijnë në Teheran&p[summary]=Ambasadori iranian në Moskë, Kazem Jalali, deklaroi se grupi i dytë i vaksinave do të arrijë në vend deri më 21 shkurt, kurse i treti deri më 1 mars
){kind=link}