Gërvalla-Schwarz në Podgoricë: Kosova dhe Mali i Zi nuk kanë alternativë ndaj rrugës evropiane

Në takimin e ministrave të punëve të jashtëm të Malit të Zi dhe Kosovës, Ranko Krivokapiç dhe Donika Gërvalla-Schwartz u vlerësua se marrëdhëniet mes Malit të Zi dhe Kosovës janë të shkëlqyera, të dy vendet që nga dita e parë shprehën mbështetjen e tyre për Ukrainën dhe dënuan agresionin e Rusisë dhe për të dyja vendet nuk ka alternativë për rrugën evropiane, raporton Anadolu Agency (AA).

Sot, Gërvalla-Schwartz ndodhet në Podgoricë për vizitë zyrtare. Pas takimit me ministrin Krivokapiç, ajo theksoi se Mali i Zi dhe Kosova që në ditën e parë kanë shprehur mbështetjen e tyre për Ukrainën dhe kanë dënuar agresionin e Rusisë.

“Shumë herët u përcaktuam se cilën palë e mbështesim. Bashkëpunimi ynë është i jashtëzakonshëm, jo vetëm në nivel dypalësh, por edhe në kuadër të nismave ndërkombëtare dhe rajonale”, tha Gërvalla-Schwartz.

Ajo theksoi se dy vendet nuk kanë alternativë ndaj rrugës evropiane, duke shtuar se janë të vendosur të vazhdojnë bashkëpunimin që do të jetë mirë i koordinuar në kontekstin rajonal, e që Kosova e sheh si pjesë të tregut të hapur të përbashkët.

“Kur bëhet fjalë për rrugën e përbashkët drejt BE-së, këto eksperimente janë të qarta për ne. Ne nuk duam të jemi pjesë e një eksperimenti që do të jetë rrethanë rënduese në rrugën drejt BE-së. Jemi të vendosur që t'i përmbahemi rrugës së qartë evropiane”, tha zv/kryeministrja e Kosovës.

Duke folur për marrëdhëniet bilaterale mes Malit të Zi dhe Kosovës, shefi i diplomacisë malazeze, Krivokapiç, tha se Mali i Zi nuk është vetëm fqinj, por edhe mik i këtij shteti.

“Do t'i ndihmojë asaj që të ketë qasje më të lehtë tek qytetarët e tyre të BE-së, te elementet tjera që do të çojnë në dëshirën e tyre të madhe për anëtarësim të plotë në Kombet e Bashkuara (OKB), BE dhe NATO”, tha Krivokapiç.