Serbi, edhe tre të vdekur nga COVID-19

Në Serbi edhe tre persona kanë vdekur gjatë 24 orëve të fundit si pasojë e koronavirusit të ri (COVID-19), ndërsa janë sëmurë edhe 57 persona, me çka numri i të sëmurëve deri më sot është rritur në 9.848, raporton Anadolu Agency (AA).

Nga dje janë testuar 5.521 persona, ndërsa pozitiv janë 57 persona.

Në spital janë të shtrirë 1.710 pacientë, ndërsa në respiratorë janë 46 pacientë.

Gjatë 24 orëve të fundit kanë vdekur edhe tre persona, që do të thotë se deri tani kanë vdekur 206 persona nga koronavirusi.

Deri sot në këtë vend janë shëruar 2.160 persona, ndërsa janë testuar 122.995 persona.