مستەفا کازمی راوێژکارێکی بۆ کاروباری هەڵبژاردنەکان دەستنیشان کرد

هەولێر - AA

سەرۆکوەزیرانی عێراق، مستەفا کازمی بڕیاریدا بە دەسنیشانکردنی حوسێن هینداوی وەک راوێژکاری خۆی بۆ کاروباری هەڵبژاردنەکان.

سەرچاوەیەک لە سەرۆکایەتی ئەنجوومەنی وەزیرانی عێراق رایگەیاند، مستەفا کازمی بڕیاریداوە بە دەستنیشانکردنی حوسێن هینداوی بە راوێژکاری خۆی بۆ کاروباری هەڵبژاردنەکان، وەک ئامادەکاریی بۆ ئەنجامدانی هەڵبژاردنی پێشوەختە.

بە گوتەی سەرچاوەکە کە بە میدیاکانی خۆجێی راگەیاندووە، راسپاردنی هینداوی بەو ئەرکە گرنگیدانی سەرۆکوەزیران، مستەفا کازمی دەگەیەنێت بۆ بەڕێوەچوونی هەڵبژاردنی پێشوەختەی بێگەرد و ئازاد لەسەر بنەما و پێوەرەکانی نێودەوڵەتی.