یەمەن ــ AA

حووسییەکان ڕایانگەیاند کە بەندەری حودەیدە ڕۆژئاوای یەمەن، لەلایەن سوپای ئیسرائیلەوە بۆردومان کراوە.

کەناڵی مەسیرە سەربە حووسییەکان بڵاوی کردەوە: "ئیسرائیلی دوژمن لە میانی دوو ھێرشدا، بەندەری حودەیدەی بۆردومان کردووە".

کەناڵەکە وردەکاری زیاتری لەوبارەیەوە نەخستووەتەڕوو.

لەبەرامبەردا سوپای ئیسرائیل لە ڕاگەیاندراوێکدا ئاماژەی بەوەداوە کە ھێزی دەریاییان، ھێرشی کردووەتە سەر ژمارەیەک ئامانجی حووسییەکان لە بەندەری حودەیدە، ئەوەش لە وەڵامی ھێرشەکانی حووسییەکان دژبە ئیسرائیل.

بانگەشەی ئەوەشی کردووە: "ئامانج لە ئەنجامدانی ھێرشەکە، زیانگەیاندنە بە بەندەری حودەیدە کە ھێشتا لەلایەن حووسییەکانەوە بۆ ئەنجامدانی چالاکی تیرۆریستی بەکاردەھێنرێت".

پێشتر سوپای ئیسرائیل، ھۆشداری ئەوەی دابوو کە ھێرش دەکاتە سەر بەندەرەکانی ڕەئس عیسا، حودەیدە و سەلیف ڕۆژئاوای یەمەن، ھەروەھا بانگەشەی ئەوەشی کردبوو کە ئەو بەندەرانە لەلایەن حووسییەکانەوە بۆ ئەنجامدانی چالاکی تیرۆریستی، بەکاردەھێندرێن.