ئیستانبوڵ ــ AA

نەتەوە یەکگرتووەکان ڕایگەیاند کە بەھۆی پەیڕوکردنی سیاسەتی برسیکردن لەلایەن ئیسرائیلەوە بەرامبەر بە فەڵەستینییەکان لە کەرتی غەززە، دەرکەوتووە کە لە کۆتاییەکانی مانگی ئایاری ڕابردوودا، دوو ھەزار و ٧٠٠ منداڵی خوار تەمەن پێنج ساڵ لە كەرتی غەززە تووشی بەدخۆراکی بوون.

ئاژانسی نەتەوە یەکگرتووەکان بۆ بەھاناوەچوون و کارپێکردنی پەنابەرانی فەڵەستین (UNRWA)لە ھەژماری خۆی لە تۆڕی کۆمەڵایەتی ئێکس، نووسیوویەتی: "قەیرانی برسێتی لە کەرتی غەززە گەیشتووەتە ئاستێکی بێ وێنە، چونکە خەڵکی غەززە بەردەوام بەدەست برسێتی دەناڵێنن".

ڕاشیگەیاندووە: "لە کۆتاییەکانی مانگی ئایاری ڕابردوودا، دوو ھەزار و ٧٠٠ منداڵی خوار تەمەن پێنج ساڵ لە كەرتی غەززە تووشی بەدخۆراکی بوون".

داواشی کردووە کە ڕێگا بدرێت، بەپەلە یارمەتی مرۆیی بگەیەندرێتە کەرتی غەززە.