غەززە ــ AA

لە ئاکامی زنجیرەیەک ھێرش و بۆردومانی سوپای ئیسرائیلدا بۆ سەر ژمارەیەک ناوچەی کەرتی غەززە، ٣٦ فەڵەستینی کوژران.

شایەتحاڵەکان بە ئاژانسی ئانادۆڵویان ڕاگەیاند کە سوپای ئیسرائیل زنجیرەیەک ھیرشی کردووەتە سەر ژمارەیەک ناوچەی باکوور، ناوەڕاست و باشووری کەرتی غەززە.

ھەروەھا شایەتحاڵەکان باسیان لەوەش کرد کە لە میانی ھێرشەکاندا، ناوەندێکی دابەشکردنی یارمەتی مرۆیی و ژمارەیەک خانوو و خێوەتی ئاوارە فەڵەستینییەکان لە ناوچەکانی باکوور، ناوەڕاست و باشووری کەرتی غەززە، لەلایەن سوپای ئیسرائیلەوە بۆردومان کراون.

ھاوکات چەند سەرچاوەیەکی پزیشکی بە ئاژانسی ئانادۆڵویان ڕایگەیاند کە لە ئاکامی بۆردومانەکاندا، ٣٦ فەڵەستینی کوژراون و ٢٠٠ دیکەش برینداربوون.