ئه‌مریكا ئاماده‌كاری بۆ تاقیكردنه‌وه‌ی مووشه‌كیی نوێ ده‌كات

واشنتۆن - AA

وه‌زاره‌تی به‌رگریی ئه‌مریكا رایگه‌یاند، دوای كشانه‌وه‌یان له‌ رێككه‌وتنی ھێزەکانی ئەتۆمی مەودا ناوەند (INF) به‌شێوه‌یه‌كی فه‌رمی، ئاماده‌كاری بۆ تاقیكردنه‌وه‌ی مووشه‌كیی نوێ ده‌كه‌ن.

به‌رپرسێكی باڵای وەزارەتی به‌رگریی ئه‌مریكا كه‌ بۆ CNN دواوه‌ و نه‌یویستووه‌ ناوی ئاشكرا بكرێت، رایگه‌یاندووه‌ سوپای ئه‌مریكا كار له‌سه‌ر سیستمی مووشه‌كیی نا ئه‌تۆمی ده‌كات.

به‌رپرسه‌كه‌ راشیگه‌یاندووه‌، ئامانجی سه‌ره‌كیی ئه‌مریكا له‌ به‌ره‌وپێشبردنی سیستمی مووشه‌كیدا به‌ره‌نگاربوونه‌وه‌ی رووسیایه‌ له‌ ئه‌ورووپا.

له‌لایه‌كی دیكه‌وه‌ به‌پێی هه‌واڵی مێدیاكانی ئه‌مریكا، پێنتاگۆن له‌پلانیدایه‌ له‌ مانگی تشرینی دووه‌مدا تاقیكردنه‌وه‌ی مووشه‌كی مه‌ودا ناوه‌ند ئه‌نجامبدات.