Hemn Osman
15 تشرینی دووەم 2015•نوێکردنەوە: 17 تشرینی دووەم 2015
بهمهبهستی بهشداری كردن له لوتكهی سهركردهكانی جی 20، سهرۆكی ئهمریكا باراك ئۆباما، گهیشته شاری ئهنتاڵیای باشووری رۆژئاوای توركیا.
ئۆباما، بە فڕۆكەی "Air Force One"ی سەرۆكایەتی ئەمریكا گەیشتە فڕۆكەخانەی ئەنتاڵیا و لەلایەن وەزیری ئابووری نیهاد زەیبەكجی، پارێزگاری ئەنتاڵیا موعەمەر توركەر، سەرۆكی گەورەشارەوانی شارەكە مەندەرەس تورێك و لێپرسراوانی دیكەوە پێشوازی لێكرا.
بەهۆی هاتنی سەرۆكی ئەمریكا ئۆباما بۆ ئەنتاڵیا، رێوشوێنی ئەمنی توندوتۆڵ لەسەر رێگاكانی فڕۆكەخانە و دەورووبەری گیرانە بەر.
كۆبوونەوەكانی جی 20، ئەمڕۆ بە میواندری توركیا لە ناوچەی بەلەكی شاری ئەنتاڵیا دەست پێ دەكات. ئاژانسی ئانادۆڵو وێنەی كۆبوونەوەكان بڵاودەكاتەوە، كە ماوەی دوو رۆژ بەردەوام دەبن.
چاوەڕوان دەكرێت لە چوارچێوەی لوتكەی سەركردەكانی جی 20دا، سەرۆكی ئەمریكا باراك ئۆباما لەگەڵ سەركۆماری توركیا رەجەب تەیب ئەردۆغان كۆبوونەوەی دوو قۆڵی ئەنجام بدات.
