Indi, shkon në afro 110 mijë numri i viktimave nga COVID-19

Në 24 orët e fundit në Indi si pasojë e koronavirusit të ri (COVID-19) kanë humbur jetën 706 persona, transmeton Anadolu Agency (AA).

Ministria e Shëndetësisë së Indisë njoftoi se me 706 vdekjet e reja, numri i viktimave nga COVID-19 është rritur në 109.856.

Gjatë 24 orëve të fundit në Indi janë shënuar 55.342 raste të reja dhe numri i të infektuarve deri më tani ka arritur në 7.175.880.

Ndërkohë, numri i të shëruarve ka arritur në 6.227.295.

Sipas faqes së internetit "Worldometer", e cila përpilon të dhënat në lidhje me COVID-19, India radhitet në vendin e dytë në botë sa i përket numrit të rasteve.