Prizren, mbahet protestë në mbështetje të Palestinës

Sot në qytetin e Prizrenit u mbajt një tubim mbështetës për Palestinën dhe popullin palestinez, raporton Anadolu Agency (AA).

Qytetarë nga grupe të ndryshme etnike morën pjesë në demonstratën e mbajtur në Sheshin Shadërvan në Prizren.

Demonstruesit mbanin pankarta me mbishkrimet “Liri për Palestinën”, “Poshtë Izraeli”, “Ndaloni rrethimin”, “Ndihuni rehat kur fëmijët flenë, jo kur vriten”.

Në deklaratën e lexuar në emër të organizatorëve, u theksua se presioni dhe dhuna e vazhdueshme ndaj popullit palestinez nga Izraeli është shkelje e të drejtave dhe lirive themelore të popujve.

Deklarata nënvizoi se palestinezët i rezistuan dëbimit nga shtëpitë të tyre dhe për këtë arsye Izraeli kreu dhunën më të keqe kundër palestinezëve në vitet e fundit.

“Për të gjithë me ndërgjegje të pastër, dhe veçanërisht për një popull që ndau të njëjtin fat me palestinezët njerëzit 20 vjet më parë (populli i Kosovës), ato që sot po ndodhin në Palestinë janë të papranueshme. Ne përshëndesim armëpushimin, për të cilin mësuam në orët e natës, me shpresën se nuk do të përsëritet”, thuhet në deklaratë.

Në kuadër të protestës, pjesëmarrësit thirrën parulla kundër Izraelit ndërsa mbanin flamuj shqiptarë, turq dhe palestinezë.