Kosovë, 100 të infektuar të rinj me COVID-19

Kosova ka njoftuar se brenda ditës së fundit nga 2.849 teste të dyshuara për koronavirusin e ri (COVID-19), gjithsej 100 raste kanë rezultuar pozitivë ndaj virusit, transmeton Anadolu Agency (AA).

Ministria e Shëndetësisë njoftoi se së fundmi nuk është regjistruar asnjë vdekje nga koronavirusi, me çka numri i viktimave mbetet në 2.266.

Gjatë ditës së fundit 3 pacientë të tjerë fituan betejën kundër koronavirusit, duke e çuar në 105.660 numrin e përgjithshëm të pacientëve të shëruar nga virusi. Numri i rasteve aktive me COVID-19 në vend aktualisht është 539.

Që nga shpërthimi i pandemisë, autoritetet shëndetësore kanë kryer 736.283 teste të dyshuara për COVID-19, nga të cilat 108.465 kanë rezultuar pozitivë.