Хоспитализиран аргентинскиот фудбалер Диего Марадона

АНКАРА (АА) - Аргентинскиот легендарен фудбалер Диего Марадона е пренесен во болница откако не се чувствувал добро, пренесува Агенција Анадолија (АА).

Леополдо Луке, лекарот од Марадона, кој е хоспитализиран во една приватна болница во градот Ла Плата, изјави дека болеста на Марадона не е поврзана со новиот тип на коронавирус.

„Веќе една недела е во депресија. Нема апетит и се чувствува без енергија. По здравствените проверки ќе разгледаме како ќе се лекува. Не се работи за итен случај“, изјави Луке.

Марадона е тренер на екипата Гимнасија, една од екипите од Аргентинската прва фудбалска лига. Тој на 30 октомври го прослави својот 60-ти роденден.

Марадона е еден од најдобрите играчи во историјата на фудбалот. Во 1986 година со дресот на аргентинската репрезентација го освои Светскиот куп на ФИФА и двапати го освои италијанскиот шампионат со клубот Наполи.