Дресот на Мајкл Џордан продаден за 1,38 милиони долари

ВАШИНГТОН

Дресот на поранешниот американски кошаркарски ас Мајкл Џордан, од студентските денови, што го носеше на насловната страница на „Спортинг њуз“ (Sporting News) во 1983 година, продаден е за 1,38 милиони долари, јавува Агенција Анадолија (АА).

Од аукциската куќа „Херитиџ аукшнс“ (Heritage Auctions) соопштено е дека е завршена аукцијата што започна на 13 април за дресот на Универзитетот на Северна Каролина, што Џордан го носел во сезоната 1982/1983 година, кога беше избран за играч на годината во северноамериканското првенство НКАА (NCAA).

Џордан во кариерата го носеше дресот на Чикаго Булс со кој освои шест НБА-титули, 1991, 1992, 1993, 1996, 1997 и 1998 година.

Исто така, тој беше шесткратен МВП во НБА-финалето (најкорисен играч) и 14 пати настапи на НБА олстар-викендите.