Самоубиствен напад во Пакистан: Бројот на мртвите се искачи на 20 лица

ИСЛАМАБАД (АА) - Најмалку 20 лица загинаа во самоубиствен напад кај турбето Фатихпур во покраината Балуџистан, југозападен Пакистан, пренесува Anadolu Agency (AA).

Локалните извори наведуваат дека самоубиствениот напад на подрачјето Џал-Магси е извршен вчера, во време кога бил насобран народ.

Официјалните лица потврдија дека бројот на загинатите порасна на 20. Меѓу нив има пет деца и еден полицаец. Исто така, се истакнува дека се хоспитализирани 28 лица.

Одговорноста за нападот ја презеде терористичката организација ДЕАШ.

Премиерот на Пакистан, Шахид Хакан Абаси, го осуди нападот и истакна дека терористите не можат да имаат вера. Тој порача дека државата остро ќе одговори.

Во февруари беше извршен самоубиствен напад на турбето на подрачјето на Синд, кога загинаа 90, а беа ранети 400 лица. Одговорноста за тој напад презеде ДЕАШ.