САД: Најмалку десетмина убиени во вооружен напад во супермаркет во Колорадо

ЊУЈОРК

Најмалку десет лица, вклучувајќи и полицаец, се убиени во вооружен напад што се случи во супермаркет во сојузната американска држава Колорадо, јавува Агенција Анадолија (АА).

Пукотницата се случила вчера во супермаркетот „Кинг суперс“ во градот Боулдер.

Полицаецот е убиен кога напаѓачот отворил оган врз полицајците кои пристигнале на местото на настанот.

„Повредениот напаѓач е лишен од слобода и му се укажува лекарска помош“, изјави командантот на полицијата, Кери Јамагучи.

Идентитетот на напаѓачот сè уште не е објавен.

Портпаролката на Белата куќа, Џен Псаки, на Твитер соопшти дека американскиот претседател Џо Бајден е информиран за пукотницата.