Претседателот на Бразил Болсонаро отпуштен од болница

БУЕНОС АИРЕС

Бразилскиот претседател Жаир Болсонаро соопшти дека е отпуштен од болница каде што е пренесен на 3 јануари поради јазол во цревата, пренесува Агенција Анадолија (АА).

Болсонаро отпуштањето од болница го потврди со споделување фотографии со лекарите на Твитер, упатувајќи благодарност на оние кои се грижеле за него.

Бразилскиот претседател Болсонаро беше хоспитализиран во Сао Паоло на 3 јануари, поради болки во стомакот во државата Санта Катарина, каде што го помина новогодишниот одмор.

Кај 66-годишниот Болсонаро, кој во болницата „Вила Нова Стар“ престојуваше два дена, откриени се јазли во цревата и беше објавено дека според резултатите од тестовите нема потреба од операција.

На претседателот му беа извршени четири операции поради убодите со нож за време на изборните кампањи во 2018 година.