Зелената зона во Багдад повторно отворена за сообраќај
Зелената зона беше затворена на 1 октомври поради демонстрациите што започнаа во земјата
БАГДАД (АА) - Зелената зона во Багдад, главниот град на Ирак, каде што се наоѓаат владините згради, повторно е отворена за сообраќај. Поради антивладините протести, зоната беше затворена за сообраќај, пренесува Anadolu Agency (AA).
Според официјалната ирачка новинска агенција, зелената зона каде што покрај владините згради се наоѓаат и канцелариите на многу странски мисии, по неколкудневно затворање утрово повторно е отворена за сообраќај.
Зелената зона беше затворена на 1 октомври поради демонстрациите што започнаа во земјата.
Во главниот град Багдад и во некои покраини на југ, од 1 октомври се протестира поради корупцијата, невработеноста и недостатокот на јавни услуги.
Од почетокот на демонстрациите, бројот на загинати изнесува над 110, а над 6 илјади луѓе се повредени.