Белорусија на претседателски избори во јануари 2025 година

ИСТАНБУЛ (АА) - Белорусија ќе одржи претседателски избори во јануари 2025 година, а актуелниот претседател Александар Лукашенко ќе се кандидира за седми мандат на функцијата, објави денес државната новинска агенција Белта, пренесува Анадолу.

Одлуката гласањето да се одржи на 26 јануари беше донесена на состанокот на Претставничкиот дом, Долниот дом на Парламентот.

Во февруари, Лукашенко, кој го освои шестиот мандат во 2020 година и е на власт од 1994 година, соопшти дека ќе се кандидира за седми мандат.

„Ќе се кандидирам (за претседател). Кажете ѝ го ова (на белоруската опозиција во егзил)“, им рече Лукашенко на новинарите тогаш по гласањето на парламентарните и локалните избори. „Ниту еден човек, одговорен претседател, нема да го напушти својот народ кој го следеше во битка, и тоа е многу важно за мене“.