Варијантата „Ламбда“ на Ковид-19, што за прв пат се појави во Јапонија, е поврзана со Олимпијадата во Токио

ТОКИО (АА) - Варијантата „Ламбда“ на новиот тип коронавирус (Ковид-19), што за прв пат се појави во Јапонија, е поврзана со Олимписките игри во Токио 2020 година, пренесува Агенција Анадолија (АА).

Според веста на новинската агенција „Кјодо“, што се базира на владини извори, направено е истражување за варијантата „Ламбда“ на Ковид-19 откриена во земјата.

Во истражувањето утврдено е дека жена која претходно патувала во Перу слетала на аеродромот „Ханеда“ во Токио на 20 јули.

30-годишната жена, која била акредитирана за Игрите во Токио 2020, се покажала како позитивна на тестот направен на аеродромот.

Националниот институт за епидемиски болести (NIID) по направената истрага за случајот утврдил дека жената е заразена со варијантата „Ламбда“ на Ковид-19.

Националниот институт соопшти дека ова е прв случај на варијантата „Ламбда“ во земјата.

Светската здравствена организација (СЗО) претходно соопшти дека варијантата „Ламбда“ на Ковид-19 за прв пат е откриена во Перу.

Лабораториските студии открија дека варијантата „Ламбда“ е отпорна на антителата произведени од вакцини.