16 شوبات 2020•نوێکردنەوە: 17 شوبات 2020
بەغدا - AA
وەزارەتی بەرگریی عێراق بڵاویکردەوە کە چوار مووشەکی کاتیۆشا ئاراستەی باڵیۆزخانەی ئەمریکا لە ناوچەی سەوز ناوەڕاستی بەغدا کراون، بەڵام هیچ زیانێکی گیانیان لێنەکەوتووەتەوە.
شانەی راگەیاندنی ئەمنی سەربە وەزارەتی بەرگریی عێراق لە راگەیەندراوێکدا بڵاویکردەوە کە درەنگانی شەوی رابردوو، چوار مووشەکی کاتیۆشا ئاراستەی باڵیۆزخانەی ئەمریکا لە ناوچەی سەوز کراون.
بەپێی راگەیەندراوەکە، سێ لە مووشەکەکان لەناو ناوچەی سەوز و ئەوەی دیکە لەسەر بارەگای پاڵپشتیکردنی لۆجستی سەربە حەشدی شەعبی لە نزیک کۆلێژی پۆلیس لە شەقامی فەڵەستین کەوتوونەتە خوارەوە.
لە راگەیەندراوەکە ئەوەش خراوەتەوەڕوو کە کەوتنەخوارەوەی مووشەکەکان جگە لە زیانی ماددی، هیچ زیانیکی گیانی لێ نەکەوتووەتەوە.
ناوە ناوە مووشەک ئاراستەی باڵیۆزخانەی ئەمریکا لە بەغدا دەکرێت، بێ ئەوەی هێچ لایەنێک بەرپرسیاریەتی خۆی لێ رابگەیەنێت.
