سەرۆكی هەرێمی كوردستان پێشوازی لە ئوسامە نوجەیفی کرد

هەولێر - AA

سەرۆكی هەرێمی كوردستان مەسعود بارزانی، پێشوازی لە سەرۆکی ئیئتیلافی موتەحیدون بۆ چاکسازی ئوسامە نوجەیفی كرد.

پێی هەواڵێک لە سەرۆکایەتی هەرێمی کوردستانەوە، لە دیدارەكەدا ئاستەنگەکانی بەردەم پرۆسەی سیاسیی عێراق و دواپێشهاتە ئەمنییەكان و بارودۆخی بەرەکانی ڕووبەڕووبوونەوە لەگەڵ تیرۆریستان تاوتوێ كرا. هەروەها چۆنییەتی ڕووبەڕووبوونەوەی تیرۆریستان و ئازادكردنی ناوچەكانی ژێر دەسەڵاتی داعش خرایە بەر باس.

باسکردنی ڕەوشی ناوچەکە بەگشتی، تەوەرێکی دیکەی دیدارەکە بووە.