ئۆپه‌راسیۆنی ئاسمانیی هێزه‌ چه‌كداره‌كانی توركیا له‌ قه‌ندیل

ئه‌نقه‌ره‌ - AA

دوێنێ له‌ هێرشه‌كانی فڕۆكه‌ جه‌نگییه‌كانی توركیادا له‌ قه‌ندیل، ژماره‌یه‌ك حه‌شارگه‌ و كۆگای چه‌كی په‌كه‌كه‌ كه‌ پێشتر ده‌ستنیشانكرابوون ته‌قێنرانه‌وه‌.

به‌پێی ئه‌و زانیارییانه‌ی له‌ سه‌رچاوه‌ ئه‌منییه‌كانه‌وه‌ ده‌ست ئانادۆڵو كه‌وتووه‌، دوێنێ دوای كۆكردنه‌وه‌ی زانیاریی هه‌واڵگری، له‌نێوان سه‌عات 9 بۆ 9 و 45 خوله‌كی شه‌ودا ئۆپه‌راسیۆنێكی ئاسمانی بۆسەر ناوچه‌ی قه‌ندیل له‌ناو سنووری هه‌رێمی كوردستاندا ئه‌نجام درا.

له‌ ئۆپه‌راسیۆنه‌كه‌دا ژماره‌یه‌ك حه‌شارگه‌ و كۆگای چه‌كی په‌كه‌كه‌ كه‌ پێشتر ده‌ستنیشانكرابوون ته‌قێنرانه‌وه‌ و پاشان فڕۆكه‌كان گه‌ڕانه‌وه‌ بۆ توركیا.