ئه‌سیل نوجێفی: "قه‌یرانی مووسڵ له‌ له‌ناوبردنی داعش گه‌وره‌تره‌"

هه‌ولێر-AA
نوجێفی ده‌ڵێت قه‌یرانی مووسڵ گه‌وره‌تره‌ له‌ له‌ناوبردنی داعش، له‌ جوگرافیای ناوچه‌كه‌ چه‌ندین نه‌وه‌ هاتن و چوون و ئه‌م ناوچه‌یه‌ ئارامی به‌خۆیه‌وه‌ نه‌بینیوه‌.

پارێزگاری پێشووی مووسڵ، ئه‌سیل نوجێفی له‌ راگه‌یه‌نراوێكدا ئاماژه‌ی بۆ بارودۆخی مووسڵ كردووه‌ و ده‌ڵێت ده‌بێت لایه‌نه‌كان دیالۆگ بكه‌ن بۆ رێكخستنه‌وه‌ی كاروباری كارگێڕی و سیاسیی ناوچه‌كه‌.

نوجێفی كه‌ له‌سه‌رده‌مەی پارێزگای نەینەوا بوو، داعش له‌ 10ی حوزه‌یرانی ساڵی 2014 هێرشی كرده‌ سه‌ر مووسڵ و كۆنتڕۆڵی كرد له‌ راگه‌یه‌نراوێكدا ده‌ڵێت "ئه‌وه‌ی سه‌یری مێژووی 100 ساڵی رابردووی مووسڵ بكات ده‌بینێت پڕه‌ له‌ نه‌هامه‌تی و كۆچی به‌كۆمه‌ڵ و شۆڕش و راپه‌رینه‌كان، هه‌ر له‌ یاخی بوونی ئێزدییه‌كان له‌ شنگال بۆ بزووتنه‌وه‌ی ئاشوورییه‌كان و ئه‌وانه‌ی دواتر كه‌ بزووتنه‌وه‌ كوردییه‌كان له‌ سییه‌كان و چله‌كانی سه‌ده‌ی رابردوو و پاشان شۆڕشی شه‌واف و شۆڕشی كوردی له‌ ساڵانی 61 و 65 و له‌ حه‌فتا و هه‌شتاكاندا و دواتر له‌ ساڵی 1999 فاكته‌ری سیاسی و فشاری نێوده‌وڵه‌تی زۆر كاریگه‌رتربووه‌.
ده‌شڵێت "ئه‌وه‌شی له‌دوای ساڵی 2003 روویدا له‌ بارودۆخێكی ئاسایشیی ناجێگیر و رووداوه‌كانی ته‌له‌عفه‌ر تا كۆنتڕۆڵی داعش له‌ساڵی 2014 یش".

نوجێفی له‌ درێژه‌ی قسه‌كانیدا روونی ده‌كاته‌وه‌ "له‌گه‌ڵ هه‌موو بزووتنه‌وه‌ و راپه‌ڕین و قه‌یرانێكدا مووسڵ ئاواره‌بوونی هه‌زاران كه‌س و تێكچوونی ماڵ و حاڵی هه‌زاران كه‌سی به‌خۆوه‌ بینیوه‌ كه‌ به‌دوای شوێنی حه‌وانه‌وه‌ گه‌ڕاون، هه‌روه‌ها منداڵان بێ خوێندن ماونه‌ته‌وه‌ و هۆزەکانیش رژێمه‌ یه‌ك له‌دوای یه‌كه‌كان پڕچه‌كیان ده‌كه‌ن بۆ ئه‌وه‌ی له‌ كوشتنی نزیكه‌كانیاندا به‌كاریان بهێنن و رقی خۆیان له‌ مووسڵ بڕێژن".
نوجێفی هه‌روه‌ها ده‌شڵێت "ئه‌وه‌ی مێژووی مووسڵ بخوێنێته‌وه‌ بۆی ده‌رده‌كه‌وێت كه‌ قه‌یرانه‌كه‌ی گه‌وره‌تره‌ له‌ ته‌نها زاڵ بوون به‌سه‌ر داعش و له‌ناوبردنی، و له‌م جوگرافیایه‌ چه‌ندین نه‌وه‌ ژیاون كه‌ ئارامی و به‌رقه‌رارییان نه‌بینیوه‌".

له‌كۆتایی قسه‌كانیدا پارێزگاری پێشووی مووسڵ كه‌ له‌ چه‌ندین چاوپێكه‌وتنی رۆژنامه‌وانییدا هۆكاری كه‌وتنی مووسڵ و پارێزگای نه‌ینه‌وای له‌لایه‌ن داعشه‌وه‌ گه‌ڕانده‌وه‌ بۆ سه‌رۆكوه‌زیرانی پێشووی عێراق، نوری مالیكی ده‌ڵێت "مووسڵ جێگیر نابێت و مانای ژیان نازانێت ئه‌گه‌ر بوار به‌ خه‌ڵكی ناوچه‌كه‌ نه‌درێت كاروباری كارگێڕی و سیاسییان له‌رێگه‌ی وتوێژی روون و بونیادنه‌ره‌وه‌ رێكنه‌خه‌ن، هه‌روه‌ها به‌ بێ سه‌پاندنی ئیراده‌گه‌لێك له‌ ده‌ره‌وه‌ی ناوچه‌كانییاندا یان خۆ سه‌پاندن له‌رێگه‌ی لاوازیی ئه‌م لایه‌ن و ئه‌وی دیكه‌وه‌".

هه‌روه‌ها ده‌شڵێت ده‌بێت برا ناكۆكه‌كانمان له‌سه‌ر گۆڕه‌پانی ئێمه‌ بمانبورن كه‌ بێزاربووین له‌ جه‌نگه‌كانییان و ته‌نها به‌ وتوێژ به‌ره‌و ئاشتی رازی ده‌بین.