غەززە ــ AA

ژمارەی ئەو کەسانەی کە لە ئاکامی بۆردومانەکەی سوپای ئیسرائیل بۆ سەر نەخۆشخانەی ناسر لە غەززە کوژراون، بەرزبووەتەوە بۆ ١٥ کەس کە چواریان ڕۆژنامەنووسن.

چەند سەرچاوەیەکی پزیشکی بە ئاژانسی ئانادۆڵویان ڕاگەیاند، بەپێی دوایین ئامار تا ئێستا لە ئاکامی بۆردومانەکەی سوپای ئیسرائیل بۆ سەر نەخۆشخانەی ناسر لە کەرتی غەززە کوژراون، بەرزبووەتەوە بۆ ١٥ کەس کوژراون.

بەپێی زانیارییەکان لەنێو کوژراوەکاندا، چوار ڕۆژنامەنووس ھەن.

ئەمڕۆ دووشەممە، بەشی فریاکەوتنی نەخۆشخانەی ناسر لە ناوەڕاستی شاری خان یونس باشووری کەرتی غەززە بۆردومان کرد.

پێشتر وەزارەتی تەندروستی فەڵەستین لە کەرتی غەززە ڕایگەیاندبوو کە لە ئاکامی بۆردومانەکەدا، ھەشت کەس کوژراون و ژمارەیەکی دیکەش برینداربوون.