ئیستانبوڵ - AA

ئەو سەربازە ئیسرائییلیانەی بەشداریان لە کۆمەڵکوژییەکەی نەخۆشخانەی ناسر کردووە لە باشووری کەرتی غەززە، هێرشەکەیان بە ڕەزامەندی و زانیاری فەرماندەی باڵای سەربازی ئەنجامداوە.

کەناڵ ١٤ی ئیسرائیل، لە هەواڵێکیدا ڕایگەیاند: "کاتێک لە وردەکارییەکانی هێرشەکەی سەر نەخۆشخانەی ناسر دەکۆڵینەوە، بە ڕوونی دەبینرێت کە سەربازەکان بە شێوەیەکی دروست هەڵسوکەوتیان کردووە".

لە هەواڵەکەدا هاتووە: "ئەو هێزانەی بەشداریان لە هێرشەکەدا کردووە، بە ڕوونی ئاماژەیان بەوە کردووە کە هێرشەکە لەلایەن فەرماندەیی باڵای (سوپای ئیسرائیل)ەوە پەسەندکراوە و هەماهەنگیی لەو بارەیەوە کراوە و پێش ئەنجامدانی ئاگاداری بوون".

هەروەها لە هەواڵەکەدا هەوڵی ڕەوایەتییدان بە هێرشەکە دەدرێت کە بووە هۆی کوژرانی ٢٠ کەس لەنێویشیاندا پێنج ڕۆژنامەنووس و، بانگەشەی ئەوە دەکرێت یەکەی هەواڵگری جۆلانی لە ڕۆژانی ڕابردوودا کامێرایەکی پێشکەوتووی دۆزیوەتەوە کە لە یەکێک لە نهۆمەکانی نەخۆشخانەکەدا جێگیرکراوە و پێیان وابووە ئامادەکاری بۆ هێرشکردن دەکات و چاودێری هێزەکانی ئیسرائیل دەکات.